Amaanka Magaalada Kismaayo oo la Adkeeyay iyo Saraakiisha Ciidamada Amaanka oo ka Hadlay Amaanka

Amaanka guud ee magaalada Kismaayo ayaa 48-kii saac ee la soo dhaafay aad loo adkeeyay, ayadoo wadooyinka iyo xaafadaha magaalada lagu arkayo ciidamada amaanka Maamulka Jubbaland oo gaaf wareegaya, iyagoo aad u foojigan.

Arrintaan ayaa looga gol leeyahay sidii looga hortagi lahaa weerarada aan buurneyn ee ay mucaaradka iyo kooxda Shabaabku ku khal khal galinayaan amaanka magaalada Kismaayo.

Talisyada ciidamada amaanka sida xarunta K2 iyo warshadii hore ee Hilibka ayaa waxaa lagu arkayaa saraakiisha Ciidamada amaanka oo kulamo kala duwan ku leh kuwaasoo looga hadlaayo xoojinta iyo dar dar gelinta amaanka magaalada Kismaayo.

Ibraahim Niiniile oo dhowaan loo magacaabay taliyaha ciidamada amaanka Kismaayo ayaa la arkayaa isagoo howsha ciidamada amaanka aad u dar dar galinaya.

Ceegaag Online

Xafiiska wararka Kismaayo.