DEGDEG:Ciidamo Burundi ah oo Kismaayo soo Gaaray….

Heshiiskii Addis Ababa lagu gaadhay ee sumadiisu ahayd sectorization and reconfiguration of AMISOM troops in Somalia ayaa lagu go’aamiyay in sectar cusub laga sameeyo Kismaayo kaas loogu magac daray Sector5,waajibaadkooduna uu yahay sugida amniga magaalada Kismaayo oo kaliya.Heshiiskan ayaa wuxuu dhigayay in hogaanka ciidamada qeybtan lagu wareejiyo Sierra Leone oo ciidamada ugua badan yeelan doonta kuwaas oo dhan hal guuto,waxaa kale oo magaalada Kismaayo ku wehelin doona ciidamo dhan laba horin oo ka kala socda Burundi iyo Kenya.

Hadaba waxaa magaalada Kismaayo soo gaadhay hordhicii ciidamadii ka socday dalka Burundi waxayna ciidamada Burundiyaanka ee hada magaalada soo gaadhay ubadan yihiin saraakiil iyadoo la filayo in kuwo kalan ay soo gaadhaan magaalada.

Ceegaag Online  waxay si hoose u ogaatay in ciidamada Kenya ee ka baxaya Kismaayo ay noqon doonaan kuwa howlgalada ka dhanka ah alshabaab fulin doona.

Hogaanka howlgalada ka dhanka ah Alshabaab ee gobolada Jubooyinka waxaa weli sii hayn doona ciidanka Kenya.

Dhanka kale Alshabaab ayaa xalay soo xabadeeyay saldhigyada ciidamadu ku leeyihiin Jaamacada Kismaayo iyadoo loo jawaab celiyay.

Ceegaag Online

Xafiiska wararka Kismaayo-Somalia