Sheekh Cabdi Umal oo GaadhayDeegaao ay dacwadiisu aad u Saamaysay (Degmada Marqaanwayne ee Kililka)

Sheekh Maxamed Cabdi Umal iyo wafdi culimo ah ayaa socdaal dacwadeed waxaa  ay ku soo gaareen Machadka Al-furqaan faraciisa Degmada Marqaanwane ee ku taala ismaamulka deegaanka Soomaalida Itoobiya magaaladan oo hilaadii 60KM u jirta magaalada  Buuhoodle ee xarunta Gobolka Cayn. Wafdiga culimada ee la socoda Sh.Umal ayaa waxaa si weyn loogu soo dhaweeyey dhamaan degaanada ay soo mareen iyo weliba Degmada Marqaanwaune waxaan  soo dhaweynta qayb ka ahaa culimada Gobolka Sool iyo Cayn oo uu hogaaminayey Sh.C/naasir Xaaji Axmed.

Sheekh Maxamed Cabdi Umal  oo mudo bil ku dhow muxaadaraad iyo wacyi gelin ka waday gudaha degaanada Soomaalida Itoobiya ayaa waxaa uu u soo talaabay dhinac tuulada Marqaan ee ku taal xadka waxaan uu sheekhu ka jeediyey Machadka Al-furqaan muxaadaro si weyn ay uga soo qayb galeen bulshada ku dhaqan tuulada Marqaan iyo deegaanada ku dhow dhow.

Sheekh Maxamed Cabdi Umal  ayaa waxaa uu ka mid yahay culimada waaweyn ee dalka Soomaaliya ugu caansan waxaan uu Shiikh uu hadda ku nool yahay magaalada Nairobi ee caasimada dalka Kenya isagoo halkaas ka wada dacwo aad u balaadhan.

Xigasho: Halgan.net