Ciidamada Maamulka KMG ee Jubbalan oo Heegan Lagaliyay iyo Al-shabaab oo Kismaayo Ku Soo wajahan

Maamulka Jubbalan ayaa qalabeeyay ciidamo gaaraya ilaa 300 oo askari kuwaasoo dhawaan tababar loogu soo xiray duleedka magaalada Kismaayo ee xarunta gobolka J/hoose.

Ciidamadan hubkooda la siiyay ayaa waxa ay mudo ku xareysnaayeen xarunta Jaamacadda Kismaayo, waxaana ciidamadani ay dhoolatus ciidan ka sameeyeen gudaha magaalada Kismaayo.

Agaasimaha wasaaradda arimaha gudaha iyo amniga Mudane Mukhtaar C/laahi Sahal oo warbaahinta la hadlay ayaa sheegay in ciidamadani ay ka qeybqaadan doonaan howlgallo uu sheegay in dhawaan ay ka bilaabi doonaan deegaanada galbeed ee gobolka J/hoose.

“Ciidamadani waxay xoreyn doonaan deegaanada Galbeed ee gobolka J/hoose, maantana waxaan u dhameystirnay qalabkooda,” ayuu yiri agaasimaha oo warbaahinta la hadlay.

Dhankale Waxaa Caawa Heegan Lagaliayay Cidamada Maamulka Jubba aydoo lahelay warar sheegay in ay caawa Ciidamo Al-shabbab ka tirsan ay soo aadeen dhanka maglada kismaayo aygoona ka soo kicitimay Magalada Jilib ee Xarunta Gobalaka Jubbada Dhexe.

Ceegaag Online