DEG DEG: Qarax ismiidaamin ah oo ka Dhacay Xarunta Barlamaanka iyo Xaalka oo Allow Sahal ah (DAAWO SAWIRRADA)

Qarax Ismiidaamin gaari nuuca raaxada loo adeegsaday ayaa barqonimadii maanta waxaa lagu qaaday ilbaabka hore ee laga galo Xarunta Golaha Shacabka ee Magaalada Muqisho .

Gaariga waxyaabaha qarxa laga soo buuxiyay oo nuuciisu lagu sheegay Noah ayaa si xowli ah waxa uu damacsanaa in uu ku galo albaabka xarunta golaha shacabka , hasa ahaatee gaariga ayaa ku qarxay meel dhoor tilaabo u jirta albaabka xarunta Baarlamaanka.

Weerarka Ismiidaaminta xiliga lagu qaadayya xarunta Golaha Shacaka waxaa ku sugnaa Xildhibaano katirsan Baarlamaanka Soomaaliya oo maanta ku lahaa kulan ,iyadoona qaraxa kadib Xildhibaanada ay si hal haleel ah uga baxeen Xarunta Golaha Shacabka.

inta la xaqiijiyay hal qof ayaa ku dhintay weerarka ismiidaaminta ahaa ee lagu qaaday xarunta Golaha Shacabka, waxaa sidoo kale dhaawacyo kala duwan uu soo gaaray askar katirsan Ciidanka Booliiska ee sugayay amaanka Xaruntaasi.