DAAWO:-Wafdi ka Socdo Dowlada Turkiga oo Soo gaaray kismaayo iyo Kulamo ay layeesheen Axmed Madowbe

waxaa maanta magaalada kismaayo si wada jir ah soo gaaray M/ku xigeenka 2-aad ee jubblan C/qaadir Luga dheere iyo wafdi kasocda dalka Turkiga oo uu hogaaminayo madaxa hay’adda hormarinta ee Turkiga ee loo yaqaano TIKA AHMED GOCER iyo sidookale madaxa hay’adda laanqeyrta Cas ee dalka Turkiga mudane MUSTAF YILMAS.

Wafdigan waxaa garoonka magaalada kismaayo kusoo dhaweeyey qaar kamid ah wasiirada dawlad goboleedka Jubbaland iyo ururada bulshada ee Jubbaland.Soo dhaweyn diiran kadib madaxweyne kuxigeenka labaad iyo madaxda kasocotey dawladda Turkiga waxay si wadajir ah shir saxaafadeed ugu qabteen gudaha garoonka diyaarada ee Kismaayo waxayna maamulka Juabaland iyo ururada bulshada uga mahad celiyeen soo dhaweyntooda diiran.

Madaxweyne kuxigeenka dalka Turkiga uga mahadceliyey booqashadooda Kismaayo isagoo xusay inuu barri qaban doono shir saxaafadeed uu kaga warbixinayo safaradiisii kala duwanaa ee uu kusoo marey dalalka Mareykanka iyo Turkiga.

Wafdiga oo loo soo gudbiyay xarunta madaxtooyada ayaa waxa ay kulamo la qaatee Madaxweynaha maamulka Jubbland Axmed Madowbe.

Dhanka kale wafdigii ka socday dowlada turkiga ayaa sheegy inay ku faraxsanyihiin booqashadooda kismaayo iyo soo dhaweynta diiran ee ay kala kulmen iyagoo xusay in soo kormeeri doonaan dhamaana guud ahaan magaalada kismaayo iyo meelaha dibudhiska iyo horumarinta ubaahan waxayna xuseen in Kismaayo tahay magaaladooda labaad markii lagatago caasimada Muqdisho

DAAWO SAWIRRADA:-