Taageeradii ugu waynayd Oo Minneapolis Loogu qabtay Madaxda Khaatumo, Pro Cali Khaliif oo ka hadlay

Magaalada Minneapolis ee gobolka Minnesato ee dalka Maraykanka waxaa ka dhacday xaflad balaadhan oo ay ka soo qaybgaleen kumaanaan qof oo Soomaaliyeed, kuwaasoo soo buux dhaafiyey Convetion-ka weyn ee bartamaha magaalada Minneapolis ee dalkan Maraykanka, shacabka jaaliyaddaha ka sokoow waxaa goobta soo ka soo qaybgalay xafladda siyaasiyiin, odayaal dhaqameed, aqoonyanano, Fanaaniin, Abwaano, haween, dhalinyaro, madax ka tirsan kuwa gobolka ee dalkan Maraykanka iyo xubno Soomaaliyeed oo muhiim ah.

Waxaa Halkaasi Qudbad Khadka Taleefanka ah Ka jeediyey Madaxwaynaha maamulka khaatumo Cali khaliif Galaydh, Wuxuuna siwayn ugu Mahad caliyey dhamaan bulshada soomaaliyeed ee Muujiyey Taageerada ay uhayaan Khaatumo State, Wuxuuna ka hadlay arimo dhowr ah.

Intaasi kadib ayaa waxaa Goobta Qudbado kala duwan kasoo Jeediyey masuuliyiin Tiro badan kuwaasi oo ku dheeraaday Muhiimada ay leedahay Jiritaanka khaatumo iyo Doorka ay ugu jirto guud ahaanba Bulshada Soomaaliyeed.

DAAWO VIDEO MUNAASIBADA & QUDBADII MADAXWAYNE GALAYDH

Ugu danbayntii ayaa waxaa goobta wacdaro ka dhigay Fanaaniinta TALEEX BAND oo dhisan dalka maraykanka, Sidoo kalnaa waxaa Siwyan halkaasi uga dhexmuuqday Fanaanka wayn ee Axmed Cali Cigaal, Waxayna Munaasibadan kusoo dhamaatay Jawi Wanaagsan.