Cuqaasha & Waxgaradka Ugaadhyahan Oo Baaq kasoo saaray Arinta TALEEX

Kulan ay yeesheen cuqaasha Beel-waynta Ugaadhyhan Siyaad & Xubno kamida Indheergaradka, Aqoonyahanada & Nin Garboodka oo qaatay waqti dheer waxaa la isla qaatay qodobadan hoos ku qoran kuwaasoo ku wajahan shaqaaqada ka taagan Degmada Taleex ee Gobolka Sool, Somalia.

1) Waxaanu uga tacsiyaynaynaa guud ahaan tolka dhamaan dadkii ku nafwaayay eheladoodana waxaanu si gaara u leenahay Samir & Iimaan.

2) Waxaanu u mahadnaqaynaa dhamaan cidii usoo gurmatay si ay ukala qaboojiyaan Beelaha walaalaha ah.

3) Waxaanu ku adkaynaynaa beelaha Faarax Cali & Samakaab Cali inay xagameeyaan dhalinyarada & cid kasta oo sababi karta Xabad danboo dhacda inta ay la madasha soo gaadhayaan guurtida beesha Ugaadhyahan.

4) Waxaanu ka digaynaa in cidkasta oo dano guracan lihi ay isku daydo inay majara habaabiso Xaajadan, si gaara waxaanu u tilmaamaynaa in warbaahintu ay ka feejignaato baahinta warar qaldan oo dano siyaasadeed laga leeyahay.

5) Waxaanu ku boorinaynaa Cuqaasha aan waqtigu noo saamixin innay nagala qaybgalaan kulmadaanu qabanay & Culimada, Samadoonada & Indheergaradka guud ahaan inay u guntadaan daminta colaadaa dhextaala ehelka dhaw.

Caaqil Ismaaciil Max’ed Cali Koore

Caaqil Shiine Xaaji Cali Shire

Caaqil Cismaan C/laahi Gaabeey.

Caaqil Carab Ismaaciil Cali Suudi.

Caaqil Axmed-Khayr M Shibiin.

Caaqil C/risaaq Max’ed Xasan Falaalug.

Caaqil Max’ud Askar Jaamac.

Caaqil C/rashiid Cabdi Aabi.

Khadar Cali Jaamac.

Siciid Axmed Cadar.

Siciid Max’ud Caligeele.

Ceegaag.com