Weerar Alshabaab ay Ka Fuliyen Gudaha Wadanka Kenya

Dagaalyahano katirsan Xarakada Al-Shabaab ayaa xalay saqdii dhaxe waxa ay weerar ku qaadeen Deegaan kuyaala Xadka ay Wadaagaan Dalalka Soomaaliya iyo Kenya, waxaana deegaankaasi Saldhigyo ku lahaa Ciidamada Milatariga Kenya.

Deegaanka Haamay oo Qiyaastii 34-km u jira Xadka Soomaaliya iyo Kenya wadaagaan ayaa la sheegay in dagaalyahano hubeesan oo Shabaab katirsan ay weerareen, waxaana halkaasi ka dhacay dagaal mudo socday.

Sargaal katrsan Al-Shabaab oo la hadlay Warbaahinta afkooda ku hadasha ayaa sheegay in Dagaalkaasi ay iyagu ka dambeeyeen , waxa uuna intaa raaciyay in qasaaro xoogan ku gaarsiiyeen Ciidamada Kenya ayna gubeen saldhigyo Ciidan.

Wali si rasmi ah looma oga qasaaraha ka dhashay Weerarka Al-Shabaab xalay ku qaadeen Deegaanka Haamay ee Dalka Kenya, mana jiro wax war ah oo Dowlada Kenya ay kasoo saartay Weerakan ay Shabaab ka fuliyeen Gudaha Dalkaasi.

Al-Shabaab ayaa marar badan weeraro qasaaro kala duwan dhaliyay waxa ay ku qaadeen Gudaha Dalka Kenya , Ciidamada Kenya ayaana inta badan ku guul dareesta in ay ka hortagaan Raga hubeesan ee gudaha Dalkaasi Weerarka ku gala kadibna kasoo laabta.

Ceegaag.com