Qaxootiga Yamaniyiinta Puntland soo gaarey oo Qardho la dejinaayo

Waxaa deegaanada Puntland soo gaarey dad badan oo u dhashey dalka Yemen kuwaas oo ka soo qaxay dalkoodi kadib markii dagaallo xoog leh ay ka qarxeen. Dadkan oo ka soo degey dekadda Boosaaso ayaa qorshaha maamulka Puntland yahay in la dejiyo degmada Qardho, maadaama Qardho ay leedahay cimilo wanaagsan.

Madaxweynaha Puntland oo maanta ka soo baxay Boosaaso ayaa ku hakadey degmada Qardho, halkaas oo dhagax dhigey dhul loo dhisaayo dadka Yamaniyiintu ay degaan, tan iyo inta dalkoodu colaadda ka baxaayo.

Maamulka Gobolka iyo kan degmada ayaa Madaxweynaha Puntland ku sharfey in uu ku hakado Qardho oo kala qayb-qaato dhagaxdhiggaas. Madaxweynaha ayaa safarkiisi sii watey dhagax-dhigga kadib waxaana uu isla maanta tegayaa xarunta Puntland ee Garoowe, halkaas oo ay u badan tahay in uu kaga dhawaaqo is-beddel iyo isku shaandheyn lagu sameeyo Xukuumadda.

Ceegaag.com