Qoraal Hanjabaad ah oo uu goordhow soo saaray Hogaamiyaha Shabaab

Qoraal Hanjabaad ah oo uu goordhow soo saaray Hogaamiyaha Shabaab
Qoraal uu maanta soo saaray hogaamiyaha Xarakadda Al-Shabab Axmed Cumar Abuu Cubaydah oo lagu qoray warbaahinta dalka Ingiriiska kasoo baxda ayaa waxaa uu ku sheegay inay diyaar u aheyn wada hadal ay la galaan dawlada Soomaaliya oo ay diyaar u yihiin inay dagaalamaan illaa ay geeriyoodaan sida uu yiri
Abu Cubayda hogaamaya Al-Shabab waxaa uu sheegay in dhaq dhaqooqada ay ka go’an tahay inay dagaalka sii wadaan oo xataa ay gaarsiiyaan wadamada geeska Africa.
“Ma jiro wax wada hadal ah oo aynu galayno mana jiro waxxal ah oo aan aheyn inaan dagaalka sii wadno illaa aanu ka geeriyoono” ayaa lagu yiri warka hogaamiyaha Al-Shabab kasoo baxay ee lagu qoray warbaahinta Britain qaarkood.
Sidoo kale qoraalkiisa waxaa uu ku sheegay inay dhanka kale sii xoojinayaan dagaalka ay kula jiraan ciidamada dawlada Soomaaliya iyo kuwa AMISOM oo hadda dhul hor lrh ka qabsanaya Al-Shabab.
Dhanka kale Axmed Cumar Abu Cubeyda oo Al-Shabab hogaaminayay tan iyo bishii September ee sanadkii hore ayaa ugu baaqay dadka Muslimiinta ah ee ku nool wadamada Kenya, Uganda Ethiopia iyo dalka Jamhuuriyadda Africada dhexe inay la dagaalamaan dawladaha wadamadooda.
Sidoo kale dadka wadamadaas ku nool ee Islamka ah ayuu sheegay inay ku casuumayaan Soomaaliya si ay tababar ugu qaataan xeryahooda waxaana uu intaa ku daray inay hub ugu deeqaayaan si ay ayaga u caawiyaan sida uu yiri.
Al-Shabab oo hadda luminaya magaalooyin ay muddo maamulayeen ayagoon aan dagaalamin ayaa haddana shalay Muqdisho ka geystay aad u xooganaa oo lala eegtay Hotelka Jazeera oo ku yaala meel aad loo illaaliyo.
Qaraxaas oo aad u weynaa ayaa qeyb ahaan bur buriyay hotelka la weeraray oo sidoo kalena ay safaarado ku shaqaynayeen.
Ceegaag- muqdisho