Dabeylo qasaare geystay oo ku dhuftay Puntland

November 03(Ceegaag)–Degaano ku dhow xeebaha Puntland ayaa waxaa ku dhufatay duufaanta Jabala oo ka soo gudubtay xeebaha Badweynta India iyo Badda Cas, taasi oo xowli ku socota ayaa 24-kii saac ee la soo dhaafay waxay geysatay qasaarooyin hantiyeed oo baaxad leh iyo barakaca qoysaskii degenaa xeebaha Bareeda ee gobolka Bari.
Wasiir Ku Xigenka Wasaaradda Arimaha Gudaha iyo Dowladaha Hoose ee maamul goboleedka Puntland oo warbaahinta la hadlayay ayaa ka hadlay duufaantaasi oo uu sheegay inay biyaha Badda u soo saartay ilaa 500Km.
“Duufaanta ka dhacday xeebaha Bareeda waxay sababtay barakac iyo burbur hantiyeed, iyadoo dhulka ku dartay laashash fara badan iyo guryihii ay degenaayeen qoysaskii halkaasi degenaa” ayuu yiri Wasiir K/Xigeen C/llaahi Qoobdeero oo sheegay in 500Km oo dhinaca berriga ah biyaha badda soo bixisay ay tahay arrin cusub.
Dhinaca kale qaar ka mid ah degaanada Puntland ayaa la sheegayaa inay ka da’ayaan roobabka deryta, iyadoo ay ku qabosadeen degaanno looga barakacay abaar darteed, inkasta oo degaanadaasi ay ka jirto cabsi laga qabo digniintii laga bixiyay dabeylaha Elina iyo duufaanta Bala ee ka soo gudubtay xeebaha dalalka Carbeed.

Ceegaag.com