Qoysaskii ka barakacay Dagaaladii ka dhacay Gaalkacyo oo ku soo laabanayo.

December 1(Ceegaag)–Qoysaskii ka barakacay Dagaaladii ka dhacay Magaalada Gaalkacyo,ayaa bilaabay in ay dib ugu soo laabtaan magaalada,kadib dadaalada uu wado Ra’iisal Wasaaraha Somaliya ay rajo fiican galisay shacabka.
Ra’iisal Wasaaraha Xukuumadda Somaliya, Cumar C/rashiid Cali Sharmaarke iyo masuuliyiin kale, ayaa dadaal ballaaran ku bixinaaya, sidii looga fogaan lahaa dagaal dambe oo ka dhaca Gaalkacyo,waxa uuna sheegay in uusan ka tageen magaalada illaa lahelo Nabad.
Magaalada Gaalkacyo waxaa labada dhinac ka soo galaya shacabkii ka barakacay,waxaana la arkayaa Gaadiid soo celinaya shacabka ay sameysay Dagaaladii ka dhacay Magaalada.
Baaqyo isdaba joog ah ayaa loo diray Maamulada Puntland iyo Galmudug in ay nabadda qaataan,waxaan magaalada Gaalkacyo ku sugan Ra’iisal Wasaaraha Somaliya iyo wefdi ka socda Maamul Goboleedyada iyo Culama’udiin Gobolo badan ka tagay.
Dagaalkan ayaa waxa uu bulshada wada degta gaalkacyo u horseeday dhibaatooyin aad ufarabadan .