Ururka Saxafiyiinta gobolka Hiiraan oo doortay hogaan cusub

December 26 (Ceegaag)—Suxufiyiinta ka howlgasha Warbaahinta Maxaliga ah iyo mida Caalamka ee wakiilada ku leh Gobalka Hiiraan ayaan maanta magaalada Baledweyne ku doortay hogaan cusub Gudoomiye,Gudoomiye ku xigeen iyo Xoghayn.
Kulanka doorashada ayaa waxaa ka qeybgalay74 Suxufi oo kulanka soo xaadiray ayaa cod gacan tag ah waxaa ay ku doortay madaxda mudada 12ka bilood ee soo socota.
Jamaal Cali Cabdi,Cismaan Aden Careys iyo Saadaq Cumar Carte ayaa waxaa ay isu soo taageen qabashada xilalka guddoomiyaha ku xigeenkiisa iyo Xoghayaha Ururka.
Wariye Jamaal Cali Cabdi oo u taagnaa xilka Gudoomiyaha Ururka ayaa wuxuu helay 40 Cod Cismaan Aden Careys oo Gudoomiye ku xigeenka u taagnaa wuxuu helay 34 Cod halka Saadaq Cumar Carte uu u sharaxnaa Xogheynta uu helay 22 Cod.
Doorashada oo aheyd mid ay si weyn uga soo qeybgaleen wariyaasha ka howlgala magaalada Baledweyne ayaa waxaa soo dhoweeyay Maamulka gobalka oo ku tilmaamay talaabo ay saxaafada hore u qaaday.
Waa markii ugu horeyay ee saxaafada Gobalka Hiiraan ay yeelato hogaan ay ku mideysantahay.
Guddoomiyaha cusub ee suxufiyiinta Gobalka Hiiraan Jamaal Cali Cabdi ayaa goobta ka ballan qaaday in uu tababro xirfadooda sare loogu qaadayo la siin doono gabdhaha iyo wiilasha dhowaan ku soo biiray Saxaafada ee doonaya in xirfada suxufinimo ku soo biiraan.
Ceegaag.com