Ustaad Cabdalla C/Raxmaan Macalin Faarax(Canjeex) Oo Darajada Master Ka Ka Qaatay Dalka Sudan

Janaayo 14 ( Ceegaag)- ustaad C/laahi C/raxmaan Macalin Faarax ayaa guul ka Gaaray Buugii uu ka diyaariyay darajada master ka , darajadan ayuu ka qaatayjaamacadda ifriiqiy Ee caalmiga ah ee Magaalada Khartoum ee Dalka Sudan.
Kulanka difaacidda buuga ayaa wuxuu ku bilawday jawi aad u degan isagoo Aqoonyahanka Cabdalla Ku Bilaabay Fur furasho aad u wanaagsan taasoo si wayn u soo jiidatay Mushrifiintii kala doodaysay Buugiisa.
Kulanka ayaa waxaa ka soo qeyb galay Arday,aqoonyahano,barayaaliyo qeybaha bulshada ee wax ku barta dalka suudaan.

Dhinaca kale Risaalada Ayaa ahayd Cinwaankeeda “Dawrka Nidaaminta Ay Ku Leedahay In Loo Dajiyo Istiraatiijiyad Xaga Hay’addaha” iyadoo ahayd risaalo si heer sare ah uu u soo diyaariyay Ustaad Cabdalla, Waliba iyadoo mushrifiinta “ Macalimiinta” kala doodaysay ay si aad ah ugu Amaaanayn kuna Tilmaameen risaala si caalami ah loo soo diyaariyay.
Dhinaca kale mudo kooban kadib ayaa lagu dhawaaqay natiijada risaalada ee uu soo gudbiyay Ustaad Cabdalla kuna qaadanayay darajada labaad ee master ka, Dr Ibraahim Cushaari oo ahaa Mushrikfa Ahna gudoomiyaha gudida risaaladan kala doodaysay Aqoonyahan Cabdalla ayaa goobta Wuxuu kaga Dhawaajiyay Natiijada isagoo Yiri “ Risaalada sifiican ayuu u soo diyaariyay ustaad Cabdalla wax Khaladaadna aan sheegno maanan ku araga sidaa awgeed wuxuu qaatay dajarada ugu Sareeso ee la Qaato oo ah Imtiyaaz ama Excellence, isla markiiba goobta waxaa ka bialwday Mashxarad , farxad Iyo Hambalyo ku socotay Aqoonyahan Cabdalla.
Ustaad Cabadalla ayaa ah aqoonyahan wadani ah inbadan wax u qabtay dalkiisa hadana diyaar u ah In uu sii laba jibaaro isagoo inbadan ka hormarsiiya danihisa gaar ka ah ta guud isla markaasna ah qof caawiya Dadka danyarta ah.
Hadaba anigoo ku hadlayo magacayga iyo magaca aqoonyahanada Soomaaliyeed waxaan hambalyo leenahay aqooyahanka soomaaliyeed ee muujiyey dhabar adeyg iyo horumar dheeri ah.
Guntii iyo gaba gabadii kulanka difaacida risaalada master ka ayaa ku soo dhamaatay jawi aad U Qurux Badan oo ay ku dheehantahay farxad iyo rayn rayn.
Ceegaag.com