Guddoomiyaha G/Banaadir oo ka qeyb galay Barnaamij wacyi galin ah oo lagu qabtay Muqdisho

Janaayo 14 (Ceegaag)— Guddoomiyaha Gobolka Banaadir Sheekh Yuusuf Xuseen Jimcaale ayaa Maanta Muqdisho waxaa uu kaga qayb galay Barnaamij wacyi galin ah oo loo qabtay Sagaal Dagmo oo ka tirsan Gobolka Banaadir.
Barnaamijkaan wacyigalinta ah ayaa ku saabsan fududeynta iyo hore u wadida Waxbarashada Madaniga ah oo hirgalinteeda ay iska kaashanayaan Ururka Kaah Relief and Development.
Guddoomiyaha iyo kuxigeenkiisa ayaa la dardaarmay Dadweyne laga soo kala xulay Sagaalka Dagmo ee maanta Tababarka wacyigalineed loo furay, iyadoona lagu kala qabtay Xarumah Dagmooyinka Cabdicasiis iyo Shibis.
Ururka Kaah Relief and Development Org iyo Maamulka Gobolka Banaadir ayaa Maalmahaan waday qorshe lagu hirgalinayo Waxbarashada Madaniga ah oo Dagmooyinka Gobolka Banaadir laga Fulinayo.
Dhanka kale gudoomiyaha gobalka banaadir ahna duqa muqdisho ayaa falgal dhaw la sameeyey bulshada ku dhaqan gobalka banaadir isaga oo ku booriyey gudoomiyayaasha gobalka banaadir inay si dhab ah ugu howlgalaan howlaha loo igmaday ee ah ushaqeynta bulshada ay masuulka kayihiin , iyadoo xilliyadii hore la arkayey gudoomiyayaasha degmooyinka ee hoteelada magaalada muqdisho shaqa ka dhigtay.
Ceegaag.com