Madaxweeyne ku xigeenka iyo Gudoonka Baarlamanka Jubaland oo Baydhabo gaaray

Janaayo 19 (Ceegaag) —Ayadoo maanta magaalada Baydhabo ay ka socoto munaasibad lagu caleemosaarayo gudoonka baarlamanka maamulka Koonfur Galbeed C/qaadir Shariif Sheekhunaa Maye ayaa waxaa magaalada Baydhabo gaaray wafdi uu hogaaminayo Madaxweeyne kuxigeenka 1-aad ee Jubaland C/qaadir Sheekh Ismaaciil Fartaag.

Madaxweeynaha ayaa waxaa safarkiisa ku wehlinayay Gudoonka baarlamanka Jubaland Cabdi Max’ed C/raxmaan iyo xubno ka tirsan Jubaland.

Wafdiga Madaxweeyne kuxigeenka ayaa waxaa garooonka diyaaradaha magaalada Baydhabo kusoo dhaweeyay wasiirro iyo xildhibaano ka tirsan maamulka Koonfur Galbeed.

Madaxweeyne kuxigeenka oo warbaahinta kula hadlay garoonka ayaa sheegay in Baydhabo ay u yimaadeen sidii ay uga qeybgali lahaayeen munaasibadda caleemo saarka gudoonka Baarlamanka.

Soo dhaweyn kadib waxaa masuuliyiintani la geeyay hoolka ay ka dhaceeyso munaasibadda caleemosaarka gudoonka baarlamanka maamulka Koonfur Galbeed halkaasoo ay ku suganyihiin masuuliyiin ka kala socota dowladda dhexe ee Soomaaliya, dowlad goboleedyada iyo masuuliyiin kale oo ka socota beesha caalamka.
Ceegaag.com