Dagaal u dhaxeeya ciidanka dowladda iyo Al-Shabaab oo saaka ka socda deegaanka Miir-Tuugo

Maarso 10 (Ceegaag)— Dagaal u dhaxeeya ciidamada dowladda iyo Al-Shabaab ayaa saaka ka socda deegaanka Miir-Tuugo laakiin loo bixiyey miir-taqwo oo ka mid ah deegaanada la isku yiraahdo Afarta Tuulo oo ka tirsan Gobolka Shabeellaha Dhexe.
Wararka ayaa intaa ku daraya in ciidamada milateriga ay weerar ku qaadeen deegaankaas oo ay ku sugnaayeen dagaalyahano ka tirsan Al-Shabaab.
Saraakiil ka tirsan dowladda oo diiday magacooda in la xigto ayaa sheegay in dagaalka uu deegaanka Miir-Taqwo si xoogan uga socdo, isla markaana ay ku rajo weyn yihiin inay la wareegaan.
Ciidamada dowladda iyo kuwa AMISOM ayaa maalmihii la soo dhaafay la wareegay deegaano ka tirsan Gobolka Shabeellaha Dhexe, inkastoo aanay dagaalo la kulmin.
Bishii la soo dhaafay ayay aheyd markii ciidamada ay qabsadeen deegaanada Ceel-Baraf, Caadley, Biyo Cadde iyo tuulooyin kale.
Ceegaag.com