Magaalada Nairobi oo si diiran loogu soo dhaweeyay Madaxweynihii hore ee Soomaaliya

Magaalada Nairobi ee Caasimada dalka Kenya , waxaa xalay gaaray si diirana loogu soo dhaweeyay Madaxweynihii hore ee Dowladii KMG ee Soomaaliya Sheekh Shariif Sheekh Axmed. Jaaliyada Soomaaliyeed ee ku nool magaalada Nairobi ayaa garoonka Diyaaradaha waxa ay uga hortageen si weyna ugu soo dhaweeyeen Sheekh Shariif Sheekh Axmed, waxaana markii dambe loo galbiyay Hotel gaar ah uu ka dagay Magaalada Nairobi.

Sheekh Shariif ayaa dadkii kusoo dhaweeyay magaalada Nairobi uga mahad celiyay soo dhaweynta ay u sameeyeen, Madaxweynihii hore ee Soomaaliya  Sheekh Shariif ayaa lafilayaa inuu ku dhawaaqo inuu diyaar u yahay inuu markale qabto jagada madaxwaynenimo oo laga yaabo in mar kale uu isa soo sharaxo.

Warar soo baxaya ayaa sheegaya in Sheekh Shariif marka uu usoo dhamadao Socdaalka uu ku joogo magaalada Nairobi uu kusoo wajahan yahay magaalada Muqdisho oo la sheegay in mar hore loo sii diyaariyay hoygii uu ka dagi lahaa.

Ceegaag.com