Qasaaraha ka dhashay qaraxiimaanta lala beegsaday Hotel Ambbassidor

Wararka laga helayo Cisbitaalka Madiina ee magaalada muqdisho ayaa sheegay in Maydadka dad ka badan 10 ruux la gaarsiiyay halka 50 kale oo dhaawac ah la dhigay Cisbtaalka kuwaas oo ahaa dad rayid ah oo ka dhawaa goobta uu qarax hore ee hotelka ka dhacay. Waxaana Ciidamada ammaanku ay wali ku jiraan gudaha hotelka iyagoo qeyba badan oo ka mid ah dhismaha hotelka ay la wareegay halkaasna laga soo badbaadiyay dad isugu jira shacab iyo mas’uuliyiin daganaa hoteelka gudihiisa ka hor inta ay gaarin dhagar qabayaashii damacsanaa in dadkaasi ay dhibaateeyaan.

Dhanka kale dadka la soo badbaadiyay ay ku jireen guddoomiyaha Maxkamadda Gobalka Banaadir Xaashi Cilmi Nuur oo qaba dhawac fudud oo kasoo gaaray Lugta iyo xubno xildhibaanna ah kuwaas oo mid yihiin Xildhibaan Cabdi Xaashi C/laahi Xildhibaan Max’ed Cumar Macloow C/laahi Dayib iyo Max’ed Xirsi Ducaale. Sidoo kale wararka ayaa sheegaya in ay geeriyoodeen ilaa 2 xildhibaan oo kala ah Xildhibaan C/laahi Jaamac Kaba-weyne iyo Xildhibaan Max’uud Max’ed Guure oo ka mid ahaa Xildhibaannada Barlamakanka Soomaaliya.