Yaamudan inuu Taleex Matalo

• Waxaan ku bilaabayaa Magaca Ilaahay,

  Ku:Odayaal dhaqameedka(Cuqaal iyo Isimo)

  Ku:Ergooyinka doorashada Xildhibaanka

  Ku:Shacabka degmada Taleex iyo deegaanada hoosyimaada

  Ujeedo,yaa dani ugujirtaa inay doortaan oo wax u qabankara markay u baahdaan.

  Kadib is jiidjiidkii madaxda Soomaalida ee qaabka doorashooyinku u dhacayaan sanadkan 2016ka ayay

  ku heshiiyeen in in aqalka hoose(Baarlamaanka)lagusoo doorto qaab ergeed ay ku jaangooyeen in

  xildhibaankiiba ay doortaan 51 qof oo ay soo doortaan odayaasha deegaanku ayna soo buuxiyaan

  shuruudo laga doonayo shakhsiga gelaya ergada kadibna ay eegi doonaan gudiga doorashooyinka

  (dadban).

  Hadaba waxaa meela badan durbaba ka bilowday ololaha doorashooyinka xildhibaanada ee aqalka

  hoose kuwaasi oo dhumucda ololulu ka soconaayo xarumaha degmooyinka iyo caasimadaha maamul

  goboleedada.

  Waxaa hadaba aan maanta qalinka u qaatay mid kamid ah doorashooyinka xildhibaanada federaalka

  Soomaaliya ee ka soconaaya caasimadaha Taleex iyo Garoowe,tan iyo markii lagu dhawaaqay qaab

  dhismeedka doorashooyinka dalka waxaa isasoo taraya musharixiinta u tartamaya qabashada xilkaasi oo

  badiba maanta(Oct.09.2016)ku sugan caasimada maamul-goboleedka Puntland.

  Walow xubinta u matalaysa aqalka hoose degmada Taleex ama gaashaan buurta Galoo-Oriye uu xaq u

  leeyahay qofkasta oo kasoo jeeda degaanadaasiuu u ordo hadana waxaa jira saamiqaybsi hoose oo

  beeluhu ay ku xisaabtamaan halbeen qabiil iyo xilalka ay ka kalahayaan dawladaha iyo maamul-

  goboleedyada dalka kajira,iyadoo taasi laga duuayo ayaa waxaa ordaya raxan musharixiin ah oo kasoo

  kala jeeda degmooyinka Taleex iyo laas-caanood hadii aan ka tilmaamo qaar ka mid ah iyo mus-

  duleedkooda.

  1.C/Rashiid C/llaahi Maxamed

  2.Yaasiin Ibraahim Ciise

  3.Mukhtaar Ibraahib Xaashi

  4.Axmed Gaani Calishire(Cawke)

  5.Jaamac Caarshe Dhiif(Jaamac Qonof)

  6.C/qaadir Cabdi Warsame (Digaale)

  7.Axmed Maxamed Axmed(Dubays)

  8.Cabdi Qawdhan Warsame(Cabdi Halas)
• 

  Yaamudan inuu Taleex Matalo

  Su’aasha isweydiinta mudani waxaytahay waakuwama 8dan xubnood ee isu sharaxay xildhibaanimada?

  Aqoontooda,Taariikhdooda,Khibradooda shaqo iyo waxa ay gashadeen dadka degaanka ka hor ololaha

  doorasahadni.

  1. C/qaadir Cabdi Warsame,waa Muwaadin kamid ah Gaashaan-buurta Galool-oriye(Reer Taleex)

  xaqna uleh inuu u tartamo xilkani,waa aqoonyahan tacliintiisu gaadhsiisantahay heer dhexe

  wuxuuna ka shaqeeya hay’adaha UNka ee ka hawlgala dalka gudihiisa oo uu madax ka ahaa in

  muddo ah,wuxuuna ku sugnaa inta badan dalka gudihiisa .wax khibrad siyaasadeedah

  malaha,waxaa uu marar badan wax qabad heerar kala duwan ah ka geystay deegaanadaasi oo

  ay dadku ku xasuustaan.

  2. Axmed Gaani Calishire waa Muwaadin kamid ah Gaashaan-buurta Galool-oriye(Reer Taleex)

  xaqna uleh inuu u tartamo xilkani,Xamed aqoontiisu waxay gaadhsiisantahay Dugsi sare iy

  kuliyad ciidan,Axmed waxa uu kamdi ahaanjiray ciidamadii qalbka siday ee dawladii dhexe

  wuxuuna kamid ahaa Saraakiishii yar yaraa ee loo yaqaanay Baylcadda,Wax shaqo ah ma qaban

  26kii sano ee lasoo dhaafay wuxuuna kunoolaa Kenya iyo Somaliya.wax khibrad siyaasadeed ah

  malaha,waxaa lagu xusuustaa Axmed wuxuu kamid ahaa asaasayaashi dhibaatada ka taagan

  Taleex.

  3. Mukhtaar Ibraahim waa Muwaadin kamid ah Gaashaan-buurta Galool-oriye xaqna uleh inuu u

  tartamo xilkani,aqoontiisu waa heer dugsi sare balse waxa uu leeyahay khibrad shaqo

  guud(Public service)khibrad siyaasadeed wuxuu leeyahay Mukhtaar waa wasiirkii hore ee

  madaxtooyada Khaatumo,wuxuu kaloo kamid ahaa musharixiintii madaxweyne ku xigeenka

  Khaatumo ee 2014,wax Mukhtaar lagu xusuusto Shar iyo Khayr toona malaha.

  4. Axmed Maxamed Axmed waa Muwaadin kamid ah Gaashaan-buurta Galool-oriye(Reer Taleex)

  xaqna uleh inuu u tartamo xilkani,aqoontiisu waxa ay gaadhsiisantahay heer dugsi sare,wax

  shaqo ah oo dadweyne(public servise) maqaban walow uu kasoo shaqeeyay ganacsi gudood

  family (businness) baaxaa degayay,wax khibrad siyaasadeedah malaha,wax lagu xusuusto oo

  muuqda Shar iyo Khayr toona malah.

  5. Jaamac Caarshe waa Muwaadin kamid ah Gaashaan-buurta Galool-oriye(Reer Taleex) xaqna

  uleh inuu u tartamo xilkani,aqoontiisu waxa ay gaadhsiisantahay dugsi sare wuxuuna kunoolaa

  mudadii bur burka dalka Yemen,khibradiisa siyaasadeed wuxuu in muddo ah ka shaqaynayay

  Qunsuliyadda Soomaaliya ee Yemen,waxaa lagu xusuustaa Jaamac iskuday wax qabad marar

  dhowr ah balse aan hirgeli.

  6. Yaasiin Ibraahim waa Muwaadin kamid ah Gaashaan-buurta Galool-oriye xaqna uleh inuu u

  tartamo xilkani,(Reer Taleex)waa aqoon yahan tacliinta maadiga ah ka gaadhay heer sare horena

  uwatay aqoon ciidan wuxuuna Yaasiin kunoola mudadii bur burka dalka Maraykan,khibrad

  siyaasadeedna wuxuu ka mid ahaa musharixiintii jagada madaxweynaha Soomaaliya sanadkii

  2012,waxaa Yaasiin lagu xusuustaa nabad jacayl iyo horumarinta wax barashada Taleex oo uu

  ahaa mid kamid ah tiirarkii dhidibada u tagaay dugsiyada hoose/dhexe iyo sare ee Taleex.

  7. Cabdi Qawdhan waa Muwaadin kamid ah Gaashaan-buurta Galool-oriye xaqna uleh inuu u

  tartamo xilkani,(Reer Taleex)balse waa Reer Laas-caanood,aqoontiisu waxa ay gaadhsiisantahay

  heer Jaamacadeed(intery level) walow aanu dhamaysan,khibradiisa siyaasadeed wuxuu wasiir

  ku xigeen ka noqday aamulka Puntland xilligii Faroole,waxaa Cabdi Qawdhan lagu xusuustaa

  dibin-daabyayn xad dhaaf ah waxaana loo tirinayaa dilal qorshaysan ,kuwa toos ah,dhac iyo

  hagar daamooyin siyaasadeed,hadaan ka xuso mid iyo labo waxaa uu ahaa maskaxdii ka
• 

  Yaamudan inuu Taleex Matalo

  danbaysay Xasuuqii Taleex,laba aabudhkii Tukaraq IWM taasi oo ilaa iminka uu kayahay

  danbiile(Wanted)deegaanka loo tartamayo waxaana dadbadan yaab ku noqotay inu Cabdi Halas

  isu sharaxo xubinimada Baarlamaanka!

  8. C/Rashiid C/llaahi waa Muwaadin kamid ah Gaashaan-buurta Galool-oriye xaqna uleh inuu u

  tartamo xilkani,C/rashiid waa aqoonyahan aqoontiisu gaadhsiisantahay heer jaamacadeed

  waana Dhakhtar dawooyinka ah,wuxuu wax barashada hoose ku dhamaystay dalka gudihiisa

  badhtamihii sideedtamaadkii wax barashada sare wuxuu kusoo dhamaystay dalka India

  dhammaadkii sideedamaadkii iyo bilowgii sagaashamaadkii,wuxuu ku noolaa inta badan

  wadanka Ingiriiska balse wuxuu si aad ah ugu xidhnaa oo kolba imaajiray dalka gaar ahaan

  deegaanadani,aqoonta siyaasadeed C/rashiid wuxuu ahaa 4tii sano ee lasoo dhaafay Xildhibaan

  ka mid ahaa kuwa Federaalka,waxaa kaloo uu nqday gudoomiyaha gudiga Baarlamaanka ee

  Tamarta,gaadiidka Cirka iyo Badda wuxuuna kahawlgalay meela kala duwan iyo barnaamijyo

  kala gedisan.

  Xil.C/rashiid waxaa uu siweyn uga dhex muuqday mudadii 4ta sano ahayd Baarlamaanka Soomaaliya

  waxaana lagu bartay wadaninimo iyo wax qabad heer Soomaaliyeed ilaa heer degmo ah,xograadin

  aan ku weydiiyay Odayaasha deegaanka laga soo doortay ayaa ii sheegay nay

  laleeyihiin xidhiidh dhow oo wax qabadna bar bar socdo,waxaa xusid mudan

  inuu booqasho u kuur gal ah ku tegay degaano badan oo ay kamid tahay

  degaanka laga soo doortay intii uu ahaa Xildhibaanka sida 2jeer oo uu tegay

  Buuhoodle,1mar oo tegay Taleex iyo socdaalkii dheeraa oo xildhibaano uu

  hogaaminayay ku mareen deegaanada Sool,Sanaag iyo Cayn.

  Waxaa sidookale C/rashiid lagu xusuustaa inuu xaga hore kagajiray Xildhibaanada wadaninimada ku

  caanbaxay sida weyna ugala dooday beesha caalamka iyo dadyowga faragelinta ku haya Somaliya.

  Ugu danbayntii ayaan waxaan ku soo afmeerayaa maqaalkani aan ugu macag daray “Yaa mudan

  inuu matalo Taleex”waxay dadkan iyo deegaankani oo murug siyaasadeen kajiro u baahanyihiin inay

  xushaan cid la wadaagta farxad iyo murugaba waxa ay ku suganyihiin.

  Kamid ma ihi anigu dadka wax dooranaya mana siinayo tilmaan cidda wax dooranaysa balse Waxaan

  ku dhiirigelinayaa inay danaystaan una doortaan xubinta ciday u arkaan inay ka shaqaynayso

  danohooda.

  Wabilaahi Towfiiq

  Waxaa Qoray Farxaan Axmed Nuur

  farhannurahmed@gmail.co