Beesha Shiikhaaleed oo Madaxweyne Farmaajo ka dalbatey in Xiligaan iyaga loo Magacaabo Ra’iisul Wasaare

Kulankaan oo ka dhacay Magaaladda Muqdisho ayna isugu yimaadeen Qaybaha kala duwan ee Bulshada Bahweynta Shiikhaaleed ayna ka qayb galeen Odoyaasha Dhaqanka, Aqoonyahanada , Waxgaradka , ayaa Ujeedkiisu ahaa sidii Loo Xoojin lahaa Midnimada Beesha Shiikhaaleed, Xaquuqda Siyaasadeed ay Beesha Mudan tahay kuna leedahay dhamaan Maamulada Dalka ka jira sida Maamul Goboleedyada iyo kuwa Federaalka ah

Ugu Horeyn Xubnihii kulanka Hadley Suldaan Nuur Xaaji Cabduqaadir, Suldaan Maxamed Suldaan Muuse , Suldaan Xasan Xaaji Guul wade , Ugaas Cabduqaadir Yuusuf Gobayaa , Ugaas Axmed Shiikh Abiikar, Suldaan Axmed Maxamed (Lixle) Col Cumar Xaaji Ibraahim Gaagaale , Malaaq Xasan Shiikh , Suldaan Maxamed Cumar , Nabdoon Shiikh Axmed Shiikh Maxamed Badawi, Nabadoon Maxamed Cali Maxamed , Nabdoon Maxamed Yuusuf Xasan waxayna Dhamaantood hoosta ka Xariiqeen in ay Muhiim Tahay Midnimada Beesha islamarkaan ay waajib tahay in Beesha ay hesho Dhamaan Xaquuqaha Aas-saasiga ee ay Beesha ku leedahay Dowladnimada .

“Beessha Shiikhaaleed waxay Dowlda uu Hogaaminaya Maxamed Cabdulaahi Farmaajo ka dalbaneysaa in uu soo Magacaabo Shaqsi ka socda Beesha Shiikhaaleed Xilka Raiisul Wasaaraha maadaama ay beesha u aragto in ay mudan tahay in iyaga laga soo magacaabo Xiligaan “ ayey yiraahdeen Xubnhaas oo sheegey in Beesha Xilgaan la joogo ay u aragato Xilkaas dad ka bixi kara islamrkaana ay Xaq u leedahay Hogaamintaas .

“ la shaqeynta Dowlada Cusub ee Federaalka wax kasto oo ay ku jirto Dan, Diinta, dadka iyo dalka Diyaar baan u nahay, sidoo kale beesha waxay Ilaah ka baryeen in Abaarta iyo Colaada ka dulqaado ayna Badiyaan Baryada Ilaahey , iyagana ay is Caawiyaan “ ayey ku soo Gabgabeeyey Baaqii ay sida Wadajirka ah u soo saareen Beesha Shiikhaaleed