Madaxwayne Farmaajo oo booqasho shaqo ku tagay xarumaha Radio Muqdisho

‘Waxaan maanta booqday xarumaha Radio Muqdisho, Raadiyaha Codka Ciidamada, Telefishinka Qaranka Soomaaliyeed iyo Kaydka Hadalka ee Radio Muqdisho. Waxaan u mahadcelinayaa madaxda iyo shaqaalaha ka hawl gala warbaahinta qaranka oo u dhabar adaygay duruufihii qallafsanaa ee uu dalku soo maray. Waxaan hal darajo dallacsiiyay G/Dhexe Abshir Xaashi Cali oo ilaaliyay kaydka Radio Muqdisho. Kaydkaas waxaa yaalla khudbado, barnaamijyo iyo suugaan ka baxday Raadiyaha taniyo markii la aasaasay.’