Mustafa Akhyaar oo Xiin ley u tiriyay Madaxweynaha cusub ee Soomaaliya Xasan Sheekh Maxamud.

Assalaamu Calaykum Waraxmatullahi Wabarakaatuh.

Waxaan Halkan ku soo gudbinayaa  kalmad yar oo Cod ah oo aan ugu tala galay Madaxwaynaha Cusub ee Xilka loo Magacaabey  Xassan Sheekh Maxamuud,  Aniga oo siinaya  Dardaarankii yaraa ee aan hore ugu direy Madaxwayne Shariif xiligii xilka loo doortey:-

Marka kowaad waxaan u hanbalyeynayaa Madaxwaynaha Somaliya Mudane Xassan Sheekh Maxamuud Xafadahullaahu waracaah.

Mudane Madaxwayne Maanta waxaad Qaadey Mus’uuliyad wayn waxaad noqotey Madaxwayne Somaliyeed waxaa lagaa rabaaa Inaad Dalkaaga Diintaada iyo Dadkaagaba aad ugu shaqayso Cadaalad iyo Sinnaan. Mudane Madaxweyne noqo kii u horseeda dadkiisa hurumar, noqo mid joojiya dhiiga daadanaya oo xalka ummadda ku raadiya nabad iyo wada hadal.

waxaan ugu baaqayaa Shacabka Somaliyeed meel kastay joogaan inay la shaqeeyaan madaxwaynaha cusub ee la doortey, waxaan leeyahay waa markii ugu horeysey ee uu xilka ka qabto Madaxwayne lagu doorto  Caasimadda Wadanka Somaliya, Waa markii ugu horaysey ee uu xilka qabto Madaxwayne aan laga filayn in uu Soo baxayo  Saadaashana aan ku jirin, Waxaan ummadda Somaliyeed ugu baaqayaa inay taageero u muujiyaan, waxaan sidoo kale ugu baaqayaa Dhammaan  ina laga wada shaqeeyo  Dalka Sidii loo dajin lahaa.

Waxaan ilaahay ka rajaynayaa inuu ka yeelo Madax-waynaha
Cusub iyo dawladiisaba Dad tayo leh oo aan ku dhisnayn caadifad qabiil, ilaahay waxaan ka rajaynayaa inay noqoto dawladii aynu waligeen raadinayney, waxaan ilaahay ka rajaynayaa in ay noqoto dawladani dawladii loo xiisa qabey ee cadaaladda,

Mustafa Akhyaar