Madaxwaynaha iyo marwada 1aad ee Soomaaliya oo gaadhay Bajiin Caasimada Shiinaha

Iyada oo dawlada Nabad iyo Nolol ay ku guulaysatay inay inay ciidamada Afrikaanka ka rartay Xaafada Garoomada ee Magaalada Muqdisho ayaa madaxwaynaha waxa uu safar ugu anbabaxay wadanka Shiinaha si uu uga dhaadhiciyo in Shiinuhu marlabaad dib u dhis ugu sameeyo xaafadaa oo ku burburtay dagaalkii sokeeye ee Soomaaliya.

Madaxwaynaha oo la filayo inuu ka qaybgalo shirka iskaashiga wadamada Afrikaanka iyo Shiinaha ayaa la filayaa inuu si gaara madaxwaynaha Shiinaha ugala hadlo inay garab ka siiso soo celinta bilicdii barxadaha ku yaala xaafada Ciyaaraha ee magaalada Muqdisho.

Dhinaca kale dawlada raysalwasaare Khayre ayaa iyadu olole iskaa wax u qabso ah ka bilowday xaafadan si ay ugu diyaariso dib u dhiska la filayo inay dhawaan ka bilaaban doonto Garoomada Siiba kan kubada Cagta iyo Kolayga.

Ceegaag.com