Dr. Cali Ciise Cabdi oo isku sharaxaya Madaxwaynenimada Puntland

Warar hoosaad soogaadhaya Ceegaag ayaa sheegaya in Saacadaha fooda inagu soo haya uu Dr. Cali Ciise Cabdi ku dhawaaqi doono musharaxnimadiisa Madaxwayne ee Dawlada Puntland.

Go’aankan oo shabakada Ceegaag ay aad usoo dhaweenaso ayaa lagasoo xiganayaa ilo wareedyo lagu kalsoon yahay tasoo ilaahada lagu qancinaya Dr. Cali Ciise inuu samatabixiyo Puntland.

Go’aankan oo hadii uu dhaboobo uuna ku guulaysto Madaxtinimada Puntland Dr. Cali Ciise Cabdi ayaa la filayaa inay Puntland dib u hanaso dhamaan dhulaalka kaga maqan maamulka Somaliland gaar ahaan Gobolka Sool iyo Sanaag.

Dr Cali Ciise Cabdi waxaa uu kamid ahaa halgamayaashii iyo asaasayaashii maamuladii SSC iyo Khaatumo, waxaana uu kamid ahaa gollaha guurtida  gobollada Sool Sanaag Iyo Cayn. Dr Cali Ciise Wwxaa aad loogu yaqaanay la dagaalanka Somaliland iyo inuu aad uga soo horjeeday kala qaybinta Umada Soomaaliyeed.

Dr Cali Ciise waxa uu hadda ka mid yahay guddiga dhaqaalaha Federaalka Oo uu magacabay Ra’isul Wasaare Hassan Ali Khayre. Dr Cali Ciise ayaa lagu wadaa inuu maalinta beri kasoo dego garoonka diyaaradaha Gen: Abshir ee Garoowe. Dr Cali Ciise wuxuu isu sharaxayaa xilka madaxweynaha Puntland ee doorashada 2019ka.

Ceegaag.com