Adm, Maxamed Cumar Cismaan ayaa maanta booqday xarunta ay ciidanka JWXO ee Jigjiga.

Gudoomiyaha JWXO iyo Ciidanka Jabhada Wadaniga Xoraynta Ogadenia qaybta wadanka Eritrea tababarku ugu soodhamaaday ayaa maanta siwayn isugu xogwaraystay xarunta ciidanka JWXO ee magaalada Jigjiga.

Gudoomiye Maxamed Cumar ayaa salaan diiran oo N/hurayaasha uu usiday kadib siwayn uga warbixiyay marxalada cusub ee halganku uu galay iyo sida ladoonayo in loola jaanqaado.

Sidoo kale Gudoomiyaha ayaa xogwaraysi hoose layeeshay saraakiisha ciidanka isagoo kawaraystay xaalada ciidanka iyo haduu jiro wax ay tabayaan, wuxuuna Gudoomiyuhu hal hal ula hadlay ciidanka.

Dhinaca kale ciidanka JWXO ee kusugan magaalada Jigjiga ayaa siwayn usoo dhaweeyay booqashada Gudoomiyaha waxayna ciidanku ku farxeen in ay lakulmaan Gudoomiyaha JWXO Adm, Maxamed Cumar Cismaan.

Gabagabadii waxaa la arkayay Gudoomiyaha JWXO iyo Ciidanka JWXO oo wada dhoola cadaynaya.

ONA Ogadenia

Ceegaag.com