Cumar Maxamuud Maxamed ( Filish): Guddoomiyaha Cusub ee Gobolka Banaadir

Cumar Maxamuud Maxamed oo ku magac dheer Filish,waxa uu in muddo ah ku soo jiray siyaasadda Soomaaliya.

Xukuumaddii uu ra’iisulwasaaraha ka ahaa Cali Maxamed Geeddi ayuu ka soo noqday wasiirka Awqaafta iyo Arrimaha Diinta.

Waxa uu xildhibaan ka ahaa baarlamaannadii 7aad, 8aad iyo 9aad ee Soomaaliya.

Maanta ayaa madaxweynaha Jamhuuriyaddu u magacaabay Guddoomiyaha Gobolka Banaadir, ahna Duqa Muqdisho.

Cumar Filish waxa uu baddelayaa Allaha u naxariistee guddoomiyihii hore ee gobolka Banaadir Cabdiraxmaan Cumar Cismaan (Eng. Yariisow) oo 3-dii bishan August,2019 u geeriyooday dhaawac ka soo gaaray weerar argagixio oo 24-kii July ka dhacay xarunta dowladda hoose ee Xamar.