Munaasabad Ay Ku Qalin Jebinayeen Arday Wax Ka Baratay Jaamacadda Banaadir Oo Muqdisho Lagu Qabtay

Munaasabad si heer sare ah loosoo agaasimay oo ay ku qalin jebinayeen ku dhowaad 100 arday ayna ka qeybgaleen maamullada Jaamacadaha Dalka,Macalimiinta Jaamacadaha,Aqoonyahanno,Waalidiin iyo ardayda qalin jebineysay ayaa maanta lagu qabtay magaalada Muqdisho.

Dr C/risaaq Axmed Dalmar maamullaha Jaamacadda Banaadir oo munaasabadda khudbad ka jeediyey ayaa faah faahin ka bixiyey marxaladihii kala duwanaa ee ay soo martay Jaamacadda Banaadir iyo sidii lagu aas aasay oo uu Dr C/risaaq ku tilmaamay iney aas aaskeeda lahaayeen qaar ka mid ah macalimiintii wax ka dhigi jiray Jaamacadii Umadda.

Ardayda maanta ka qalin jebiyey Jaamacadda Banaadir ee magaalada Muqdisho ayaa tiradoodu waxey gaareysaa 86 Arday oo 11 ka mid ah ay gabdho yihiin halka  69ka kalena ay rag yihiin ayagoo kasoo kala qalain jebiyey kuliyadaha kala duwan ee Jaamacadaasi.

Qaar ka mid ah Ardayda maanta qalin jebisay oo la hadlay Warbaahinta Qaranka gebagebadii Munaasabadda ayaa tilmaamay iney aad ugu faraxsanyihiin guusha ay maanta gaareen islamarkaana ay dhibaatooyin kala duwan usoo mareen marxaladda guusha ah ee ay maanta taaganyihiin oo qaarkood ayagoo waxbaranaya ay dhinteen,qaarka kalena xitaa imtixaanaadkoodii ay u I maankari waayeen daruufo amni darteed balse hada ay diyaar u yihiin in wixii ay soo barteen ay ugu adeegaan dalkooda,dadkooda iyo diintooda.

ceegaag.com