Haweenay madaxa laga xaday oo loosoo diray inay isku qarxiso Ergada reer Jubaland

Gabar isku soo miidaamisay waxyaabaha qarxa oo la qabtay xili ay kusii jeeday Xarunta Shirka Kismaayo

Ciidamada amaanka magaalada Kismaayo ayaa maanta fashiliyay weerar qorshaysnaa oo gabar isa soo miidaamisay ay ku doonaysay inay ka gaysato Jaamacada Magaalada Kismaayo.

Gabadhan ayaa waxyaabaha qarxa isku soo xirtay waxaana ay kusii jeeday xarunta shirka maamul usamaynta Jubbooyinka oo ay kusugan yihiin inta badan ergooyinka beelaha ka qeyb galaya.

Wararka ayaa intaas ku daraya in ciidamada dowlada ay fashiliyeen weerarkaas qorshaysnaa ayna gacanta ku dhigeen gabadhii waxyaabaha qarxa iska soo buuxiyay.

Afhayeenka maamulka KMG ah ee Kismaayo C/Naasir Seeraar ayaa sheegay in haweenaydan gacanta lagu dhigay lana fashiliyay weerarkii ay qorshaynaysay.

Al-Shabaab ayaa sidoo kale maanta weerar ku qaaday garoonka diyaaradaha ee magaalada Kismaayo, inkastoo aan ilaa iyo haatan la ogayn qasaaraha weerarkaas.

Marar badan ayay ciidamada dowlada ee KISMAAYO kusugan fashiliyeen weeraro badan oo la doonayay in lagu waxyeeleeyo shirka Kismaayo.