reer Boosaaso oo siyaabo kaladuwan maanta mar qudha u banaan baxay

Banaanbaxan ayaa looga soo horjeeday dowlada Puntland waxayna dadka qaar dhaliilayeen siyaasada Madaxweyne Faroole iyo xukuumadiisa, qeyb kamid ah dadka waxay u doodayeen mushaharka ciidamada Gadooday, waxaa iyaguna jiray mudaharaadayaal kasoo horjeeday qaabka loo maareeyey nidaamka dimuquraadiyada oo ay ku eedeeyeen dowlada inay afduubtay siyaasadii dimuquraadiyeynta Puntland.

Mudaharaadyada ayaa ka dhacay dhowr xaafadood magaalada waxayna dadka mudaharaadayey ay markii danbe ku fideen xaafadaha oo lagu arkayey iyagoo wadooyinka taagan ama socod ku maraya.