Kismaayo oo aay soo gaareen ciidamo Siraaliyoon ah

Waxaa soo gaaraya magaala Xeebeedka Kismaayo ee Gobolka Jubada Hoose  tiro ka mid ah ciidamada Siraaliyoon ee qyabta ka ah Hawl Galka Amisom ee soomaaliya.

Ciidamadan Maanta soo gaaray magaalada kismaayo ayaa dhinacyo kala duwan ka yimid sida Cirka badda iyo Dhulka kuwaasoo durbaba bilaabay in ay fariisimo Cusub ka samaystaan daafaha magaalada Garoonka diyaaradaha iyo Duleedka Xarunta Jaamicadda Kismaayo Univeristy.

Sidoo kale Waxaa  Dekadda weyn ee magaalada kismaayo ku xiran Markab aad u weyn kaasoo sida shixnaddii Ciidankaas iyadoona la arkayo gaadiidka gaashaaman ee Dagaalka oo Markabkaasi ka soo deganaya.

Ciidamada ayaa sidoo kale waxaa lagu arkayaa gudaha magaalada kismaayo waddooyinkooda iyagoo halkaa maraya isla markaana qaab dhoola tus ah Magaalada u dhex qaadaya.

Saraakiil Ciidan ayaa halkaa si diiran ugua soo dhaweeyay Ciidamadan kuwaas oo la sheegay in ay wataan Hub casri ah isla markaana tayadoodu aad u sarreyso.

Ciidamadan Siraaliyoon ayaa muddo hal sana ah loo tababaray ka qayb qaadashada Hawl Galka amisom kuwaas oo manta ay soo gaareen magaalada kismaayo Ciidamo gaaraya illaa laba Kun oo Askeri waa sida ay noo soo sheegeen Goob joogayaal aanu la xiriirnay.

Si kastaba ha ahaatee cidamadan ayaa qeeb ka noqonaya cidamada Amisom..

ceegaag.com