Aas Heer Qaran ah oo Maanta Magaalada Muqdisho loogu Sameeyay Marxuumad Saado Cali Warsame

Eebe naxariistee jano hakawaraabiyee waxaa maanta magaalada muqdisho khaasatan cisbitaalka Madiina lagu aasay Xildhibaan Saado Cali Warsame oo kooxo hubaysani ay shalay kudileen agagaarka Hotel Ampasador ee magaalada Muqdisho.

Madaxwaynaha Dawlada Soomaaliya Xasan Sheekh Maxamuud Gudoomiyaah Baarlamaanka Soomaaliya Maxamed Sheekh Cismaan Jawaari iyo raysal-wasaraha Dawlada Soomaaliya Cabdiwali Sheekh Axmed Maxamed ayaa kala qayb galay janaasada xildhibaan Saado Cali Warsame oo lagu tukaday masjidka kuyaala Madaxtooyada iyadoo markii danbena loo qaaday xabaaalaha kuyaal Cisbitaalka Madiina.

R/Wasaaraha dawlada Soomaaliya Cabdiwali Sheekh Axmed Maxamed oo kamid ahaa dadkii kaqyab galay aaskii xildhibaan Saado Cali ayaa uga tacsideeyay geeridii kutimid marxuun Saado Cali dhamaan ummada soomaaliyeed khaastan qoyskii iyo qaraabadii ay marxuumadu kabaxday isagoona sheegay kooxda alshabaab ay beegsanayaan dadka waxgalka uah bulshada soomaaliyeed.

Duugista maydka Xildhibaan Saado Cali kadib waxaa iyana halkaas kahadlay fanaaniin iyo abwaaniin ay aad isugu dhawaayeen marxuumada geeryootay iyagoona dhamaantood eebe uga baryay inuu eebe janatul fardawsa kawaraabiyo.

Ilaa inta uu socday aaska marxuun Saado Cali waxaa siwayn loo adkeeyay ammaanka guud ee caasimada soomaaliya khaasatan xaafadaha udhaw meesha uu aasku ka dhacayo iyadoona aysna jirin ilaa iyo hada cid ay usoo qabqabatay dawlada soomaaliya dadkii falkaas kadanbeeyay.