Abaanduulaha ciidanka xoogga oo Kismaayo soo gaaray iyo Shirka Dib u heshiinsiinta oo Dhawaan Furmidoona…….

Abaanduulaha ciidanka xoogga dalka Soomaaliya jeneraal Cabdirisaaq Khaliif Cilmi

Abaanduulaha ciidanka xoogga dalka Soomaaliya jeneraal Cabdirisaaq Khaliif Cilmi iyo saraakiil uu hoggaaminayo ayaa gaaray magaalada Kismaayo ee xarunta gobolka Jubbada hoose.

Sidoo kale waxaa safarkiisa ku wehelinayay Salaadiinta Beesha Sade oo uu hor kacayay Suldaan Bashiir Yarow iyo Nabadoone kale.

Abaanduulaha oo garoonka Kismaayo kula hadlay warbaahinta ayaa sheegay in ay tahay ujeedka ay u yimadeen arrimaha dib-u-heshiisiinta ee ka socda magaalada Kismaayo.

Jeneraal Cabdirisaaq Khaliif Cilmi ayaa sidoo kale xusay inay kulamo la yeelan doonaan saraakiisha ciidamada ee ku sugan Kismaayo.

Wuxuu jeneraalku ka soo ambabaxay magaalada Garbahaarrey ee xarunta gobolka Gedo halkaas oo uu shalay ciidamada xoogga dalka iyo agoontiisaba ku siiyay mushaar iyo raashin labo bilood ah.

Ceegaag Online

Xafiiska Wararka kismaayo-Somalia