Ardayda Kuliyada Caafimaadka ee Jaamacadda Muqdisho oo Loo soo Gebagabeeyay Difaacashada Buugga Qalinjebinta

Maalintii taariikhdu ku beegneed 2/5/2019 ayaa waxaa kuliyada caafimaadka ee Jaamacadda Muqdisho loosoo gebagabeeyay difaacashada buugga qalinjebinta ee 2013 – 2019.

Ugu horeyn waxaa hadal isugu jiray hambalyo iyo dardaaran ujeediyay hormuudka kuliyada caafimaadka ee Jaamacadda Muqdisho Dr. Maxamed Xuseen Cali (boodaaye) ayaa kasheekeeyay sooyaalkii ay soo martay kuliyada caafimaadka ee Jaamacadda Muqdisho isagoo yiri:

“Waxaan ku faraxsanahay inay ardayda soo bandhigeen difaacashada buugaagtooda si geesinimmo leh ayna ku dheehantahay aqoon iyo karti macalimiintoodana su’aalihii ay waydiiyeen si wanaagsan uga jawaabeen.”

Ardayda buugaagta difaacanaysay ayaa talooyin ku aadan arimaha caafimaadka usoo jeediyay wasaarada caafimadka, Jaamacadda Muqdisho, gobolka banaadir iyo warbaahinta qaybaheeda kala duwan.

Barnaamijkii difaacashada buugga qalinjebinta wuxuuna kusoo dhamaaday jawi qurux badan.