BAAQ UU SOO SAARAY URURKA ISLAAX

Ururka Islaax, isagoo aad uga xun dagaalada ka soo cusboonaaday magaalada Gaalkacyo, wuxuu ugu baaqayaa dhinacyada colaadu u dhexayso inay dagaalada joojiyaan, arintana wadahadal iyo nabad ku dhamaystaan.
Umadda Soomaliyeed dagaalo horay ayey u soo daashadeen umana baahna dhiig danbe oo xaq darro lagu daadiyo. waa in masuuliyiinta Puntland iyo Galmudug ay qaataan waajibka ka saaran Joojinta colaaddan cusub, una turaan shacabta maatida ah ee ka qaxaya guryahooda, ama ay arrinka u daayaan Oday dhaqameedyada iyo culumaa`udiinka samaha jecel.
Dowladda dhexe iyo beesha caalamka waxaan ugu baaqaynaa inay gargaar deg-deg ah la gaaraan dadka ka barakacay Gaalkacyo labadeeda daan, ee daadsan tuulooyinka ku hareeraysan.
Allah waxaan ka baryeynaa inuu colaadan naga qaboojiyo.

Wabillaahi Towfiiq
Dr CaliBashi Cumar Rooraaye
Gudoomiyaha Ururka Islaax ee Soomaaliya
Muqdisho 29/11/2015