Bayaan taageero iyo hambalyo oo ay dirayaan Jaalliyada Jubbaland ee Alberta iyo Golaha Somalia we care.

Waxaa Jaaliyadda Jubbaland ee gobolka Alberta, Canada, iyo Golaha Somalia We Care, ay si wada jir ah ugu hambalyaynayaan dhammaan shacabka reer Jubbaland gaar ahaan ergada madasha shirka maamul u samaynta Jubbaland go’aankii geesinimada lahaa ee ay ku ansixiyeen Dastuurka ku meel gaar ah ay Jubbaland yeelan doonto.

Waxaan ku rajo waynahay in aad inta idiin dhimman sidii laydinkaga bartay aad u dhamaystiri doontaan muddo dhaw. Waxaan shakki ku jirin, Jubbaland oo shacabka degan ku heshiisaan, dhistaan maamul ay u dhan yihiin oo heshiis ku yihiin, waa saldhigga soo celinta qarannimadii Soomaaliyeed ee luntay.

Sidaas darted, guusha shirka aad u fadhidaan waa guul Soomaaliyeed ee ma’aha guul reer Jubbaland oo kaliya.

Guul iyo Nabad.