Cabdi Xaaji Goobdoon oo ahaa ruug cadaa Saxaafadda Somaliya ka tirsan oo geriyoday

Janaayo 26 (Ceegaag)-Alle ha u naxariisto Cabdi Xaaji Gobdoon oo ahaa ruug-cadaa saxaafadeed isla markaana ahaa la taliyaha arrimaha saxaafada ee xafiiska Ra’iisal wasaaraha ayaa saaka waaberigii ku geeriyooday magaalada Muqdisho.
Allaha u naxariistee Marxuum Cabdi Xaaji Goobdoon ayaa ka mid ahaa muwaadiniinta Soomaaliyeed oo ku noolaa dalka intii ay dagaalada sokeeye ka socdeen, waxana uu ahaa dhowr iyo siddeetan sano jir.
Allaha u naxariistee Cabdi Xaaji Goobdoon waxa uu saxaafada bilaabay sanadkii 1961 waxana uu ka soo jeedaa qoyska saxaafada caan ku ah.
Marxuumku wuxuu ahaa afhayeenkii hore ee xukuumadda iyo khabiir saxaafadeed oo ka soo howl galay Radio Muqdisho, isagoo agaasime guud ka soo noqday Wasaaradda Warfaafinta. Waxaan u tacsiyaynayaa ehelkiisa iyo dhammaan bahda warbaahinta.
Ceegaag.com