Ciidamada Maamulka Somaliland ayaa Maanta Xabsiga dhigay, Cuqaal, Odayaal iyo Waxgarad kale oo Kusugan Magaalada Taleex ee Gobolka Sool

Ciidamada maamulka Somaliland ayaa maanta xabsiga dhigay, Cuqaal, Odayaal iyo waxgarad kale oo kusugan magaalada Taleex ee gobolka Sool.

Dadka la xiray Waxaa kamid ah Caaqil Cabdulqaadir Abyan Koore oo ah Caaqilka beesha Faarax Cali oo kamid ah beelihii dhowaan ku dagaalamay magaalada Taleex.

Sidoo kale waxaa Xabsiga loo taxaabay Col Yaasiin Cismaan Cabdile (Tamaad) oo xilal kala duwan kasoo qabtay maamulada Puntland iyo Somaliland mudooyinkii danbana aan xil hayn oo kusugnaa magaaladaasi Taleex iyadoo arintani noqotay mid ay aad uga xumaadeen bulsha weynta deegaanka.

Markii ay ciidamada maamulka Hargeysa ku guda jireen qafaalka iyo qabqabashada odayaasha waxay shacabka u adeegsadeen rasaas ka dhacayse qoryaha waaweyn waxaana la sheegayaa in mid kamid ah caruurta Iskuuladda oo 9 sano jir ah uu dhaawac kasoo gaadhey Rasaastii ay ridayeen ciidamada maamulka Somaliland.

Ceegaag.com