DEG DEG:Qarax ay ku Dhamaadeen Ciidamo Itoobiyaan ah, kuwa DFS iyo AMISOM oo Ruxay Magaalada Buula-Burde

Warar goor dhaw nasoo gaaray ayaa waxay sheegayaan in qarax xoogan uu ka dhacay degmada Buula-burde ee gobolka Hiiraan kaasi oo warar kala duwan kasoo baxayaan qaabka qaraxa uu udhacay.

Qaraxa oo ahaa miinada meelaha fog fog laga hago ayaa waxay wararku sheegayaan in uu ka dhex dhacay maqaayad ku taalla buula burde oo ay fadhiyeen ciidamada dawlada Somaliya iyadoo lasoo sheegayo dhimasho iyo dhaawac qaraxaasi inuu ka dhashay.

Wararkii ugu dambeeyey ee aan ka helayno Buula-burde ee gobolka hiiraan ayaa waxay sheegayaan in maqaaxida miinada lagu qarxiyey ay hadda kusugan yihiin ciidamo badan oo katirsan dawlada Somaliya islamarkaana ay baaritaano ka wadaan halkaasi.

Dadka dhintay meydkooda ayaa meesha laga qaaday waxaana sidoo kale dadkii ku dhaawacmay qaraxaasi loola cararay goobaha caafimaadka.

Ceegaag Online

Xafiiska Wararka Kismaayo.