DEGDEG:Ugaaskii Beesha Cawrmale Ugaas Maxamed Xuseen Hafoow oo goor dhaweyd Kismaayo lagu dilay

Waxaa goor dhawayd xafada calanley ee gudaha magaalada Kismaayo lagu dilay Ugaaskii Beesha Cawrmale Ugaas Maxamed Xuseen Hafoow xili uu ka soo baxay salaada casar.

Dilka ugaaska kadib ayaa waxa goobta gaaray ciidamada ammaanka Maamulka Jubba, waxayna xaafadda uu dilku ka dhacay ka sameeyeen baaritaan muddo kooba socdey waxayna gacanta ku dhigay dablaydii dilka gaystay oo ahaa labo nin.

Ugaaskan ayaa noqonaya kii labaad ee lagu dilo Kismaayo tan iyo intii xarakada Al-shabaab lagala wareegay gacan ku haynta magaalada Kismaayo, iyadoo 16kii bishii Agoosto ee sanadkii lasoo dhaafay qarax xooggan gudaha magaalada Kismaayo lagula eegtay Ugaaskii beesha Gilimeys Ugaas C/qaadir Sheekh Axmed.

Ceegaag Online

Xafiiska wararka kismaayo -Somalia