Dhimasho iyo dhaawac ka dhalatay dab xoogan oo qabsaday qeybo kamid ah Magaalada Beled-Xaawo

Warar dheeraad ah ayaa kasoo baxaya dab xoogan oo xalay ka kacay degmada Beled-Xaawo ee gobolka Gedo waxaana dabkaas uu gaystay qasaaro nafeed iyo mid hantiyeed.

Dabkan ayaa ka dhashay goob maqaayad ah oo kutaal bartamaha magaalada kadibna waxaa uu kusii fiday dhul ganacsi gaar ahaan ganacsiga shidaalka.

Hal Ruux ayaa lasoo sheegayaa inuu geeriyooday halka ilaa 5 kalana ay dhaawacyo kasoo gaareen dabkan xoogan ee ka kacay magaalada Beled-Xaawo.

Mid kamid ah dadka deegaanka ayaa inoo sheegay in hanti badan ay ku baaba’day dabkaas, waxaana hantida baaba’day kamid ahaa shidaalka.

Xaalada ayaa saakay caadi ah iyadoo xalay lagu guulaystay daminta dabkaas, marar badan ayaana sidaan oo kale uu ugubtay suuqa weyn ee Beled-Xaawo