Diyaarado Dagaal mar kale duqeeyay degmada Jilib iyo deegaano hoostaga G/Jubbada Dhexe

dagaal ayaa markii saddexaad duqeeyay manta deegaan ku yaalla duleedka degmada Jilib ee gobolka Jubbada dhexe.

Hal ruux ayaa la xaqiijiyay inuu ku dhintay duqeyntaas, labo kale ay dhaawacyo kasoo gaareen, kuwaasoo ku sugnaa deegaanka ay diyaaradu duqeysay oo lagu magcaabo Maanyo-gaabo.

Goobjooge ku sugan deegaankaas ayaa sheegay in diyaaradahan dagaal aan la shaacin dalka laga leeyahay, balse waxaa la rumeysan yahay in dalka Kenya laga leeyahay .

Duqeyntan ayaa waxay noqonaysaa tii saddexaad oo diyaarado dagaal ay ka geystaan deegaanno ku dhow degmada Jilib ee gobolka Jubbada Dhexe oo ka mid ah saldhigyada Al-shabaab ku leedahay gobollada Koonfurta Soomaaliya.

Xarakada Al-shabaab ayaa weli ka hadlin dagaalka iyo khasaaraha ka dhashay waxaana duqeymahan ay imaanayaan iyadoo Sheekh Fu’aad Shangole oo ka mid ah saraakiisha Al-shabaab uu sheegay inay dagaalkooda u wareejinayaan gudaha Kenya.

Ceegaag Online

Xafiiska Wararka kismaayo-Somalia