Dr. Xabeeb Dhakhtarka Dhimirka oo haatan xaruntiisu tahay Buuhoodle ayaa Hargaysa looga gacan haatiyay

Wararka naga soo gaadhaya Dalkii hooyo siiba magaalada Buuhoodle ayaa kusoo waramaya in Dr. Xabeeb Dhakhtarka Dhimirka oo haatan xaruntiisu tahay Buuhoodle Hargaysa looga gacan haatiyay iyada oo loo balan qaaday dhaqtar dhismihiisu sareeyo oo waliba wata kalkaaliyayaal aad loo carbiyay.

Shaqsiyaad wargaleen ah oo iska diiday inaanu shaacino magacyadooda ayaa noo sheegay in Dr. Xabeeb uu haatan ku mashquulsan yahay dhisitaanka Dhakhtar uu ka dhisayo magaalada Buuhoodle balse lagalasoo xidhiidhay magaalada Hargaysa  loona sheegay inuusan Tuulada Buuhoodle wakhtigiisa ku lumin uuna helayo Dhaqaale iyo waliba Dhakhtar qalabkiisu u dhamaystiranyahay.

Ilo wareed yadan ayaa intaa sii raaciyay in Dhakhtarku ka diiday inuu ka tago magaalada  Buuhoodle oo uu u sheegay dadkii damacsanaa inay Buuhoodle ka kaxaystaaan inuusan DHAQAALE raadis ahayn, balse uu doonayo inuu wax u qabto dadkiisa meelkasta oo ay joogaan. Iyada oo loo sheegay in xaruntu ku wanaagsan tahay Hargaysa maadaama ay dabadani halkaa Joogaan.

Lama oga go’aanka Dr. Xabeeb arintan ka qaadan doono. Balse sida la’ogyahay dadbadan oo aqoonyahano ah ayaa ka diga rogta deegaanada Hawdka marka ay naftooda u baqaan ama ay waayaan dhaqaale ay ku noolaadaan ama ay wax kaga qabtaan baahiyaha baahsan ee ka jira deegaanadaa hawdka ee maamulka Khaatumo.

Ceegaag.com