Guddoomiyaha Jaamacadda Badda Cas (Red Sea University) iyo Diiwaanhayaha Guud ee Jaamacadda Muqdisho Oo Soo Kormeeray Imtixaanada Kasocda Jaamacadda Muqdisho

Ustaad Cabdullaahi Sheekh Xasan, guddoomiyaha jaamacadda Badda Cas (Red Sea University) iyo Dr. Maxamed Xasan Nuur oo ah diiwaanhayaha guud ee Jaamacadda Muqdisho ayaa soo kormeeray imtixaanaadka usocda ardayda Jaamacadda Muqdisho ee semesterka koobaad sanad waxbarashadeedka 2018/2019.

Iyagoo booqashadooda ugu kuur galayay habsami usocodka imtixaanaadka Jaamacadda Muqdisho ayay kabilaabeen kuliyadaha dhaqaalaha iyo kuliyada siyaasada iyo maamulka guud iyagoo lakulmay hormuudyada labadaan kuliyadood ustaad Cabdikaafi Xaashi Sh. Faarax iyo Dr. Cabdiraxmaan Axmed Maxamed (Dr. Badawi) iyagoo kadhagaystay hormuudyada labadaan kuliyadood sida uu imtixaanka usocdo iyagoo u rajeeyay ardada imtixaanka galaysa inuu Rabbi u fududeeyo imtixaanka uu ugu dhamaado jawi wanaagsan.