Guddoomiye ku xigeenka gobolka Gedo Al-qaadi oo ku dhaawacmay qarax

Febraayo 7 (Ceegaag)—Wararka ka imaanaya Magaalada Baardheere Ee gobolka Gedo ayaa sheegaya in uu ku dhaawacmay qarax guddoomiye ku xigeenka gobolka Gedo kadib markii waxyaalaha qarxa loogu xirey gaarigiisa.
Wararka ayaa sheegaya in Miino Gaariga loogu xiray Guddoomiye Kuxigeenka Shiikh Yuusuf Maxamed Al-qaadi waxaana sidoo kale uu dhaawac soo gaaray Ilaalada Guddoomiye Kuxigeenka Gobolka Gedo.
Cadow Nuur Xasan gudoomiyaha degmada Baardheere ee gobolka Gedo, ayaa sheegay in gudoomiye ku xigeenka Gedo uu ku dhaawacmay qaraxa, balse dhaawaciisa uu sahlan yahay.
Sidoo kale qaraxa kadib ayuu sheegay gudoomiyaha in ciidamada ay baaritaan ka sameeyeen xaafadaha degmada Baardheere ee gobolka Gedo.
Halka gaariga qaraxa looga soo xiray ayuu sheegay iney ku raadjoogaan, waxaana baaritaanada ka qeyb qaadanaya ciidamada AMISOM ee ku sugan degmada Baardheere sida uu sheegay gudoomiye Cadow Nuur.
Waxaa soo badanaya qaraxyada leysugu xiro baabuurta iyadoon si dhaqse leh loo ogaan Karin arintaasi .
Ceegaag.com