Gudiga Hooyooyinka SAYPA oo ka Qaybgalay Furitaanka BCYF Vine Street ee Boston, MA

Waxaa maanta dib loo furay xarunta BCYF Vine Street, taasoo ay lix iyo tobankii bilood ee ina dhaafay ay ka socotay dib u habay iyada oo ay ku baxday maaliyad dhan Shan Malyan oo Doolar.

Duqa magaalada Boston Martin Walsh ayaa xadhiga ka jaray rugtan cusub oo ah meel ay dadwaynuhu ka faa’ideesan doonaan siiba dhalinta soo kobcasa. Munaasabadan ayaa waxaa ka qayb galay qaarkamida madaxda SAYPA ee magaalada Boston iyaga oo ka rajeenaya inay ka helaan wakhtiyo u gaar ah oo ay ubadkooda ku baraan dhaqanka Soomaalida iyo luqadooda kuna ciyaarsiiyaan kubada kolayga wiilaal iyo gabdhaba.