Heshiis Taariikhi ah oo Muqdisho ku dhexmaray Madaxwayne Farmaajo iyo Raysalwasaare Abiy

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa Garoonka Aadan Cadde ee magaalada Muqdisho ku soo dhaweeyey wafdi uu hoggaaminayo Raiisul Wasaaraha Dalka Itoobiya Mudane Abiy Axmed Cali, iyagoona salaan sharaf ka qaatay cutubyo ka tirsan Ciidanka Baambeeyda Soomaaliyeed.

Raiisul Wasaaraha iyo wafdigiis ayaa booqasho rasmi ah oo qaadaneysa hal maalin ku joogaya Soomaaliya, kaddib casuumaad uu u fideyey Madaxweynaha JFS. Madaxda Soomaaliya iyo Itoobiya ayaa haatan waxaa u socdo wada xaajood ay kaga arrinsanayaan sidii sare loogu qaadi lahaa iskaashiga iyo xiriirka ka dhexeeya labada dal.

Wadahadaladaa kadib ayaa waxaa lasoo saaray is afgarad lagu sii horumarinaya xidhiidhka labada dal tasoo haatan u muuqata in ay Itoobiya la jaanqaaday waaqiciga rasmiga ah ee ka jira Geeska Afrika.