Howlgal Balaaran oo ka soconaya qeebo kamid ah Muqdisho.

Wararka laga helayo degmada Hiliwaa ee gobalka Banaadir ayaa waxa ay sheegayaan in maanta ay qeybo kamid ah degmadaasi ay ka socdaan howl-gallo aad u balaaran kuwaas oo sababay in ay cakirmaan howla badan oo muhiim u ahaa bini aadamka.

Howl-galada oo ka socda xaafado badan oo degmadaasi kamid ah ayaa waxa ay sababeen in ay xiranto wadada isku xirta Suuqa Xoolaha iyo magaalada inteeda kale kadib markii ciidamada howl-galka fulinaya ay isku gadaameen qeybo kamid ah wadadaasi gaar ahaan Isgoska Soos iyo Ex-Kantarool balacad.

Dadka deeganka ayaa waxa ay sheegaan in sidoo kale iskuulaadku ay xiranyihiin kadib mamrii ay soo bix waayeen ardadii dhigan laheyd oo in badan oo kamid ah lagu qabtay howlgalkii halkaasi ka bilaawday subaxnimadii hore walina si xowli ah u socda.

Waxaa howl-galkaani ka qeyb qaadanaya ciidmada AMISOM iyo ciidan Soomaali ah waxaana lasheegay in howl-galkaasi uu yahay kii ugu yaabka badnaa kadib markii ay habennimo degeenaanada ay baarayaan si hadii ay jiraan shaqsiyaad bar-tilmaameed ah in aysan kaga baxsan.

wararkii ugu danbeeyay ee laga helayo howl-galadada hakadka geliyay dhaqa-dhaqaaqii caadiga ahaa ee bulshada ayaa waxa ay sheegayaan in boqolaal dad ah oo dhalin-yaro u badan lagu soo qabtay inkasta oo saraakiisha howl-galkaasi hormuudka ka ah aysan saxaafada la hadlin.

Ceegaag.com