Isku shaan dheyn aan-badneyn oo lagu sameeyey golaha wasiirada qaarkood.

November 23 (Ceegaag)— War ka naga soo gaaray Xafiiska Ra’iisul Wasaaraha ayaa sheegaya in Ra’iisul Wasaare Cumar Cabdirashiid uu xilalka ka qaaday labo wasiir, iyadoo xilalkooda ku bedelay labo kale.
Wararka ayaa sheegaya in Ra’iisul Wasaaruhu uu u magacaabay Wasiirka Ganacsiga iyo Warshadaha Eng. C/rashiid Maxamed Axmed, halka Wasiirkii xilkaas hayay C/raxmaan Cabdi Cusmaan xilka laga qaaday.
Sidoo kale waxaa Wasiirka Korontada iyo Biyaha loo magacaabay Maxamed Mursal Sheekh C/raxmaan oo horay u ahaa Safiirkii dowladda Soomaaliya u fadhiyay dalka Turkiga.
Waxaa xilka Wasaaradda Korontada iyo Biyaha laga qaaday Maxamed Xasan Aadan Shaahiyow.
Isku shaandheynta Golaha Wasiirada ayaa wali socota, iyadoo saacadaha soo socda laga yaabo in wasiiro dhowr ah ay saameyso isku shaandheynta bilowga ah ee hada socota.
Iyadoo wasiirada qaarkood ay ka muuqato murug laakiin dhanka kale wasiirada qaarkood ayeysan wel wel ku hayn in xil laga qaado.
Ceegaag.com